واژۆ
بەبڕیارێكی بانكی ناوەندیی عیراق كۆمپانیاكانی حەواڵەكردن پابەند كران، یەك دۆلار بە هەزار و 320 دینار حەواڵە بكەن.
بانكی ناوەندی عیراق لە نوسراوێكدا بڕیارێكی بۆ جێگیركردنی نرخی دیناری عیراقی بەرامبەر بە دۆلاری ئەمریكی دەركردوە، لە نوسراوەكەدا هاتوە، بڕیاردراوە بەپێی رێنماییەكانی بانكی ناوەندیی عیراق، كۆمپانیاكانی حەواڵەكردن پابەند كراون یەك دۆلار بە هەزارو 320 دینار حەواڵە بكەن.
ئەوەشی خستۆتەڕو كە داواكارییەكان بە مەبەستی بەهێزكردنی ئەژمێرەكان لەگەڵ كۆمپانیاكان بەپێی رێنمایەكانی حەواڵەكردنی دەرەكی بۆ ساڵی 2023 وەردەگرن.
بانكی ناوەندیی عیراق فرۆشتنی یەك دۆلاری ئەمریكی بە یەك هەزارو 320 دینار بۆ بانك و دامەزراوە داراییە نابانكییەكان دیارییكردوە، بەڵام لە بازاڕەكاندا نرخی یەك دۆلاری ئەمریكی بە یەك هەزارو 557 دینار مامەڵەی پێوە دەكرێت.
