واژۆ
رەجەب تەیب ئەردۆغان سەرۆك كۆماری توركیا رایگەیاند: بومەلەرزەكانی شەشی شوبات یەكێكە لەو كارەساتانەی مێژومان كە زۆرترین قوربانی و كاولكاری لێكەوتەوە، كارەساتەكان دەكەینە دەرفەتێك و سەرەتایەكی نوێ.
لە وتارێكدا ئەردۆغان رایگەیاند: سورن لەسەر ئەوەی توركیا بكەنە وڵاتێك لەوپەڕی ئامادەباشیدا بێت بەرامبەر كارەساتە جیهانییەكان و دوای كارەساتەكانیش بەخێراترین و كاریگەرترین شێوە كاردانەوەی هەبێت، یەكێك لەو كارانەی سەرەتا ئەنجامی دەدەین، زیادكردنی دەیەمین دەستەی سیاسەتەكانی بەڕێوەبردنی كارەساتە لەناو سەرۆكایەتی كۆماردا كە ئێستا نۆ دەستەیە.
ئەردۆغان باسی لەوەشكرد: بە گوتنی هەر ئێستا لەپێناو توركیا وڵاتەكەمان دەكەینە وڵاتێك لە ئامادەباشی دابێت و كەمترین قوربانی هەبێت لە كارەساتەكاندا پاشانیش بەخێرایی ئەم دۆخەی ئێستا ئاسایی دەبێتەوە.
