واژۆ
بەڕێوەبەرایەتی كەشناسی و بومەلەرزەزانی سلێمانی پێشبینیەكانی رەوشی كەش و ئاوهەوای بڵاوكردەوە.
لە راگەیەنراوێكدا بەڕێوەبەرایەتی كەشناسی و بومەلەرزەزانی سلێمانی بڵاویكردۆتەوە، ئێوارەی رۆژی چوارشەممە نزمە پاڵەپەستۆی دەریای سور رو لەبەشێك لە پارێزگای سلێمانی و هەڵەبجەو كەركوك دەكات، كاریگەریی ئەو شەپۆلە لە بەرەبەیانی رۆژی پێنجشەممە لەسەر بەشێك لە ناوچەكانی سلێمانی و هەڵەبجەو دەربەندیخان بەهێز دەبێت.
راشیگەیاندوە، بەهۆی ئەو شەپۆلەوە بارانبارین دەگۆڕێت بۆ لێزمەبارانی بەردەوام و بەهێز لەگەڵ دروستبونی هەورە تریشقەو ئەگەری بەرزبونەوەی ئاستی ئاو هەیە لەكاتی دابارین هەندێكجار تەزرەبارین دەبێت.
لەبارەی بەردەوامی شەپۆلەكەشەوە كەشناسی سلێمانی باسی لەوەكردوە، كاریگەری ئەم شەپۆلە بە لاوازی لەسەر بەشێك لەناوچە شاخاوییەكانی سنوری پارێزگای هەولێر دەبێت و لەكاتەكانی دوای نیوەڕۆی رۆژی پێنجشەممە كۆتایی دێت.
