واژۆ
عەبدولسەلام بەرواری ئەندامێكی شاندی بەشی هەڵبژاردنی پارتی رایگەیاند، هەردوو شاندی پارتی و یەكێتی لە رووی تیۆرییەوە لەسەر هەموو پرسەكانی تایبەت بە هەڵبژاردنەكان گەیشتوونەتە رێككەوتن و تەنها پرسی پێكهاتەكان ماوە.
عەبدولسەلام بەرواری بە میدیای فەرمانی حزبەكەی وتووە، ئەمڕۆ بەشی هەڵبژاردنی پارتی و دەزگای هەڵبژاردنی یەكێتی لەگەڵ دەزگای هەڵبژاردنی لایەنەكانی دیكە كۆدەبنەوە، بە مەبەستی رونكردنەوەی ئەو لێكتێگەیشتنەی لە نێوان پارتی و یەكێتیدا هەیە.
ئاماژەی بەوەشداوە، چونكە ئەوانیش بەشدار بوون لەو پڕۆژەیەی یەكێتی و چوار لایەنی دیكە پێشكەشیان كردبوو وەكو دانپێدانانێك بە مافی ئەوان كە بەشدارن لە پرۆسەی سیاسیدا، بۆ ئەوەی رای ئەوانیش وەرگرین كە لەسەر چی رێككەوتون.
ئەندامەكەی شاندی بەشی هەڵبژاردنی پارتی وتوشیەتی، لە بواری تیۆرییەوە هیچ نەماوە بۆ رێككەوتن لە نێوان ئەوان و یەكێتیدا، لە كۆبوونەوەی یەكەم پرسەكانی سیستمی هەڵبژاردن یەكلا كرایەوە و ئەوەی پێكهاتەكان مابوو، ئەویش لە دوایین كۆبونەوە رێككەوتن كە رای پێكهاتەكان وەربگرن و ئەوان چییان بوێت بەوە رازیبن، بۆیە سەرۆكایەتی پەرلەمان و پارتی و یەكێتی و پێكهاتەكان لە دەرەوەی پەرلەمان و ناو پەرلەمان كۆبونەوەیەك دەكەن.
