واژۆ
جوتیار عادل وتەبێژی حكومەتی هەرێمی رایگەیاند، حكومەت هەموو ئامادەكارییەكی بۆ هەڵبژاردن كردووە و دوای دەستنیشانكردنی رۆژی هەڵبژاردنیش رێوشوێنەكان دەگرنەبەر.
جوتیار عادل بە سایتی فەرمی حكومەتی وتووە، هەموو ئامادەكارییەك بۆ هەڵبژاردن كراوە، وەكو پێداویستییەكانی بودجە و رەخساندنی كەشێكی ئەرێنی و ئەمنی پارێزراو.
ئاماژەی بەوەشكردوە، دوای دەستنیشانكردنی رۆژی هەڵبژاردن، رێوشوێنەكانی دیكە دەگیرێنە بەر بۆ ئەومەبەستە.
سەبارەت بە پشتگیریی دارایی حكومەت بۆ ئەنجامدانی هەڵبژاردن وتەبێژی حكومەتی هەرێم باسی لەوەكردووە، حكومەت ئامادەیە پاڵپشتی ئەو پڕۆسەیە بكات و هەر پێویستییەك هەبێت لە رووی لۆجستی و دارایییەوە پشتگیریی دەكات.
