واژۆ
رێكخراوی پزیشكانی بێسنور ئاشكرای كرد، رۆژی هەینی 190 كۆچبەر لە دەریای ناوەڕاستدا رزگار كراون كە بەشێكی زۆریان منداڵن و دایك و باوكیشیان لەگەڵدا نییە.
رێكخراوەكە بڵاویكردووەتەوە، كەشتی “لویز میشیل” شەوی هەینی 190 كۆچبەری لە دەریای ناوەڕاستدا رزگار كردووە كە لەسەر بەلەمێكی تەختە بوون.
رونیشكراوەتەوە، لەناو ئەو كۆچبەرانەدا ژمارەیەكی زۆر منداڵی تێدایە كە بەبێ دایك و باوكیانن، كۆچبەرەكان گواستراونەتەوە بۆ كەشتی “جیۆ بارێنتس” كە رێكخراوی پزیشكانی بێسنور كاری پێدەكات و ئاڵای نەرویجی هەڵكردووەو لەماوەی دوو رۆژدا دەگەیەندرێنە شاری “باری” ئیتاڵیا.
