واژۆ
بەهۆی ئەو زریانەی چەند ناوچەیەكی ولایەتە یەكگرتووەكانی ئەمریكای گرتووەتەوە، 22 كەس گیانیان لەدەستداوە و دەیانی تر بریندار بوون.
سەرچاوەكانی هەواڵی ئەمریكا ئاشكرایان كردووە، زریانێكی بەهێز كە لە بایەكی بەهێز و بارانێكی زۆر پێكهاتووە، ناوچەكانی باشور و خۆرئاوای ئەمریكای گرتووەتەوە و بەرەو خۆرئاوا دەكشێت.
رونیشكراوەتەوە، بەهۆی ئەو زریانەوە تاوەكو ئێستا لانیكەم 22 كەس گیانیان لەدەستداوە و دەیانی تر بریندار بوون، تیمەكانی فریاكەوتنیش بەدوای قوربانی تردا دەگەڕێن لەژێر داروپەردووی خانووە روخاوەكاندا.
بەپێی زانیارییەكانی دەستەی كەشناسی نیشتمانی ئەمریكا، خێرایی با 100 كیلۆمەتر بووە و بووەتە هۆی پچڕانی تەزووی كارەبا لە چەندین ناوچە و خستنی ژمارەیەكی زۆر درەخت، هەروەها زیانی لە ژمارەیەك زۆر ئۆتۆمبێل داوە.
