واژۆ
رێكخراوی تەندروستی جیهانی هۆشداری دەدات لەوەی كە لە هەر 6 كەسێك لە جیهاندا یەكیان نەزۆكە و بەپێویستی دەزانێت چارەسەری پێویست و هەرزان لەسەر ئاستێكی فراوان بڵاوبكرێتەوە.
تیدروس ئەدهانۆم بەڕێوەبەری گشتی رێكخراوەكە لە راپۆرتێكدا ئاماژەی بەوەداوە، لە هەر 6 كەسێك لە جیهاندا یەكیان نەزۆكە و ناتوانێت نەوە بخاتەوە لە یەكێك لە قۆناغەكانی ژیانی، ئەوەش بە لەبەرچاوگرتنی شوێنی نیشتەجێبوون و ئەو پێداویستیانەی لەبەردەستیدایە.
ئاماژەی بەوەشداوە، نەزۆكی كێشەی 17.8%ی دانیشتووانی دەوڵەتە دەوڵەمەندەكان و 16.5%ی دانیشتوونی دەوڵەتە هەژار و مامناوەندەكانە، ئەوەش یەكەم كێشەیەی لەو جۆریە كە جیاوازی لە نێوان مرۆڤەكاندا ناكات.
بەڕێوەبەری گشتی رێكخراوی تەندروستی جیهانی جەختی لەوەش كردووەتەوە، چارەسەرەكانی ئەو كێشەیە تێچووی زۆرە و پارەش بۆ دابینكردنی چارەسەر كەمە، هەروەها نەزۆكی كێشەیەكی كۆمەڵایەتیشە، پێویستە چارەسەری پێویست و هەرزان لەسەر ئاستێكی فراوان دبین بكرێت.
