واژۆ
بەشی پێشبینییەكانی سەربە وەزارەتی گواستنەوە و گەیاندن لە هۆشدارییەكدا بڵاویكردووەتەوە، شەپۆلێكی بارانبارین روو لە ناوچەكەمان دەكات و چەند رۆژێك بەردەوام دەبێت.
بەڕێوەبەرایەتییەكە ئاماژەی بەوەداوە، لە ماوەی نێوان رۆژی دووشەممە تاوەكو هەینی هەفتەی داهاتوو شەپۆڵێكی بارانبارین روو لە ناوچەكەمان دەكات، ئەوەش لە ئەنجامی یەكگرتنی هەردوو نزمە پاڵەپەستۆی دەریای ناوەڕاست و توركیا و شەپۆلەكە سەرجەم ناوچە جیاجیاكان دەگرێتەوە.
رونیشكراوەتەوە، هەر بەپێی پێِبینییەكان رۆژی دووشەممە سەرەتا بارانبارینی كەم لە ناوچەی جیاجیا دەبارێت، رۆژی سێ شەممە و چوارشەممە شەپۆڵی بارانبارین بەهێز دەبێت.
جەخت لەوەش كراوەتەوە، بە گوێرەی نەخشەكانی بارانی پێشبینیكراو لەسەر ناوچەكەمان ئاستی دابارین بە شێوەی لێزمە باران و هەورە تریشقە و هەندێك كات بەرزبوونەوەی ئاستی ئاویش دەبێت لەگەڵ نزم بوونەوەی پلەكانی گەرما.
