واژۆ
جاسم موسەوی ئەندامێكی پەرلەمانی عیراق لەسەر لیستی هاوپەیمانی فەتح دەڵێت، گومانیان لە راستی و دروستی ئەو ژمارانە هەیە كە حكومەتی هەرێم لەبارەی دۆسیەی نەوتی و بڕی هەناردەكردنی نەوتەوە دەیداتە بەغدا.
جاسم موسەوی لە لێدوانێكی رۆژنامەوانیدا ئاماژەی بەوەداوە، گومان لەسەر ژمارەی گریمانەكراوی هەناردەكردنی نەوتی هەرێمی كوردستان هەیە، حكومەتی ناوەندی ئاگاداری رێژەو قەبارەی داهاتە نەوتییەكان و هەموو وردەكارییەكانی تری دۆسیەی نەوتی هەرێم نییە.
باسی لەوەش كردووە، گریمانە دەكرێت هەرێم رۆژانە لەنێوان 400 بۆ 600 هەزار بەرمیل نەوت هەناردەی دەرەوە بكات، تەنانەت پێشبینی دەكرێت قەبارەی هەناردەكردنی نەوتی هەرێم لەداهاتودا زیاتریش بكات.
ئەو پەرلەمانتارە داواشی لە حكومەتی عیراق كردووە، بەتەواوەتی دەستبەسەر هەموو وردەكارییەكانی دۆسیەی نەوتیی هەرێمدا بگرێت و رێگە بە دەستكارییكردن و یارییكردن بە ژمارەكان لەلایەن هەرێمەوە نەدات.
