واژۆ
راوێژكاری دارایی محەمەد شیاع سودانی سەرۆك وەزیرانی عیراق هۆشداری دەدات لەسەر دواخستنی دەرچواندنی پرۆژە یاسای بودجەی عیراق.
موزهر محەمەد ساڵح راوێژكاری دارایی سەرۆك وەزیرانی عیراق رایگەیاندوە، بودجەی گشتی عیراق بابەتێكی زۆر گرنگە لە ژیانی ئابوری عیراقدا نەفەقاتی حكومی بەتایبەت ئێستا كە لەناو یاسای بەڕێوەبردنی داراییدایە یاخود دەخرێتە ناو بودجەی گشتییەوە نزیكەی 50%ی كۆی یاساكە پێكدەهێنێت، كە كاریگەرییەكەی دەگاتە نزیكەی 85% ی چالاكی ئابوری.
موزهر محەمەد راشیگەیاندوە، دواكەوتنی پەسەندكردنی بودجەی گشتی واتا بێبەشكردنی بەشێك لە نەفەقاتی گرنگ لە ئابوری عیراقدا بەتایبەت لە پرۆژە نوێكان و دامەزراندن و پرۆگرامەكان و پابەندییەكان، هەروەها كاریگەریی هەیە لەسەر دواخستنی گەشەو پێشخستنی ئابوری، بۆیە داوا دەكەم پەلەبكرێت لە دەرچواندنی پرۆژە یاساكەدا.
ئەو راوێژكارە داراییەی عیراق وتوشیەتی: وڵات ئێستا لەناو وەرزی پێنجەمێتی بەبێ بودجە ئەمەش پێوەرێكی تەندروست نیە لە ئابوریدا، بۆیە دەرچواندنی یاساكە بابەتێكی گرنگە بۆ پێشخستنی عیراق.
