واژۆ
بەهمەن شێخ قادر وتەبێژی بەنزینخانەكانی سلێمانی رایگەیاند، نرخی جۆرە جیاوازەكانی بەنزین بۆ هەر لیترێك بەبڕی 25 دینار لەشاری سلێمانی دادەبەزێت.
وتەبێژی بەنزینخانەكانی سلێمانی ئاماژەی بەوەشداوە، جۆرەكانی بەنزین بەبڕی 25 دینار دادەبەزن و گاز 50 دینارو غازی LPGیش 25 دینار بۆ هەر لیترێك دادەبەزێت، نرخی لیترێك بەنزینی سوپەر لە هەزارو 250 دینارەوە دەبێتە هەزارو 225 دینارو موحەسەن لە هەزارو 100 دینارەوە دەبێتە هەزار و 75 دینار، هەروەها بەنزینی نۆرماڵیش لە 900 دینارەوە بۆ 875 دینار بۆ هەر لیترێك دەبەزین بەخۆیەوە دەبینێت.
وتەبێژی بەنزینخانەكانی سلێمانی باسی لەوەشكردوە، نرخی گاز لە 850 دینارەوە دەبێتە 800 دینارو غازی LPG لە 550 دینارەوە دادەبەزێت بۆ 525 دینار، ئەوەش لەدوای ئەوەوە دێت كە داواكاری لەسەر بەنزینی ئەهلی كەمیكردوە بەهۆی زیادبونی بەنزینی 690 دیناری كە لەلایەن حكومەتی عیراقەوە پاڵپشتی دەكرێت.
