واژۆ
نەبەز عەبدولحەمید قائیمقامی هەولێر سەردانی مەیدانی بۆ چاودێریكردنی بازاڕو كۆنترۆڵكردنی نرخ دەكات.
بەگوێرەی راگەیەنراوێك، قائیمقامی هەولێر كۆگاكانی سەر رێگەی موسڵ نزیك عەلوەی سەوزەو میوەی سەبارەت بە رەوشی بازاڕو كۆنترۆڵكردنی بەسەركردەوەو لە كۆنگرەیەكی رۆژنامەوانیدا رایگەیاند: لەماوەی داهاتودا سەردانی مەیدانی و چاودێری كردنی بازاڕ زیاتر دەبێت، بۆ ئەم مەبەستە سەردانی كۆگاكانی خۆراكی شاری هەولێرمان كرد كە سەرچاوەی دابەشكردنی خۆراكن نەك تەنها لەسەر ئاستی هەرێمی كوردستان بەڵكو عیراقیش.
نەبەز عەبدولحەمید وتیشی: چاودێریەكی چڕی بازاڕەكان دەكرێت و رێگە بە كەس نادرێت بازاڕ لەبەرژەوەندی خۆی قۆرغ بكات و نرخ بە بەراوردكردنی لەگەڵ چەند مانگێك پێش ئێستا بەهۆی شكانی بەهای دۆلار فەرقیكردوە واتە كاتێك نرخ لەم كۆگایانە دادەبەزێت راستەوخۆ پێویستە لە بازاڕیش رەنگدانەوەی هەبێت و نرخەكە دابەزێ.
دووپاتیشیكردەوە، ئەو رێكەوتنەی حكومەتی هەرێم لەگەڵ حكومەتی ناوەند واژۆی كردوە كاریگەری هەبوەو نرخی سوتەمەنییەكان بەگشتی لە دابەزیندایە، نرخی بەنزین و گازوایل و گازیش لە دابەزیندایە .
