واژۆ
لە ئاكامی پێكادانەكانی نێوان سوپاو هێزەكانی پشتیوانی خێرا كە هێزێكی نیمچەسەربازییە لە سودان، 56 مەدەنی كوژران.
لیژنەی ناوەندی پزیشكانی سودان لە راگەیەنراوێكدا تیشكی خستوەتە سەر ئەوەی لە ئاكامی پێكادانەكانی نێوان سوپاو هێزەكانی پشتیوانی خێرا لەخەرتومی پایتەخت و شارەكانی دیكەی سودان، 56 مەدەنی كوژران و 595 كەسیش برینداربون.
لیژنەی ناوەندی پزیشكانی سودان داوایكردوە، دەستبەجێ ژیرانە كێشەكان چارەسەر بكرێن و پێكادانەكان رابگیرێن، هەروەها رێڕەوی ئاسایش بكرێتەوە بۆ گواستنەوەی گیرخواردوان بۆ ناوچەی پارێزراو و گەیاندنی فریاگوزاری سەرەتایی بە برینداران و دەستبەسەركراوانیش ئازاد بكرێن.
ناكۆكییەكان بەهۆی چاكسازیی سەربازیی كە داوا دەكات هێزەكانی پشتیوانی خێرا بخرێتە سەر سوپا، ناكۆكییەكانی نێوان ئەم دوو هێزەی بەدوای خۆیدا هێنا گەیشتنە ئەوەی هێز بەرامبەر یەكتر بجوڵێنن.
