واژۆ
وەزیری سەرچاوە ئاویەكانی عیراق رایدەگەیەنێت، لەچەند رۆژی داهاتودا روباری دیجلە بەردەدرێتەوەو بەرەو بوژانەوە دەچێت.
عەون زیاب وەزیری سەرچاوە ئاویەكانی عیراق رایگەیاندوە، دیدارو كارەكانمان بەردەوامن لەگەڵ هەردوو لایەنی كۆماری ئیسلامی ئێران و وڵاتی توركیا لەبارەی پشكی ئاوی عیراقەوە، بانگهێشتنامە ئاڕاستەی وەزیری وزەی ئێران كراوە بۆ ئامادەبون و بەشداریكردنی لە كۆنگرەی سێیەمی ئاو كە بڕیارە مانگی داهاتو لە بەغدا بەڕێوەبچێت.
راشیگەیاندوە، گفتوگۆكانیشیان لەگەڵ لایەنی توركیا بەردەوامە لە كۆتا سەردانیدا محەمەد شیاع سودانی سەرۆك وزیرانی عیراق رێككەوتنی كردوەو بڕیارە لیژنەیەكی هونەری لەپاش جەژنی رەمەزان سەردانی ئەو وڵاتە بكات، هەروەها داواش لە توركیا كراوە بەمەبەستی بەردەوامی گفتوگۆكان و كاراكردنی یاداشتی لێكتێگەیشتن كە لەنێوان هەردوو وڵاتدا پێشتر لەگەڵ توركیا كراوە سەردانی بەغدا بكات.
