واژۆ
بەبۆنەی رۆژی رۆژنامەگەریی كوردی و دەرچوونی یەكەم ژمارەی رۆژنامەی (كوردستان) لەلایەن میر میقداد مەدحەت بەردخان و ساڵیادی دامەزراندنی سەندیكای ڕۆژنامەنووسانی كوردستان،مەسرور بارزانی سەرۆكی حكومەتی هەرێمی كوردستان پەیامێكی پیرۆزبایی بڵاوكردەوە.
لەبەشێكی پەیامەكەیدا سەرۆكی حكومەتی هەرێم رایگەیاندوە، گەرمترین پیرۆبایی لە رۆژنامەنووسان و راگەیاندنكارانی كوردستان دەكەم و هیوای پێشكەوتن و بەردەوامیان بۆ دەخوازم، بزاڤی رۆژنامەگەری و ئازادی بیروڕاو راگەیاندن لە هەرێمی كوردستان، لە پەرەپێدان و گەشەپێدانی بەردەوامدایەو حكومەتی هەرێمی كوردستان بەردەوام دەبێت لە پشتیوانیكردن لە ئازادی راگەیاندن و رەخساندنی ژینگەیەكی تەندروست بۆ رۆژنامەنوسان بۆ ئەوەی ئازادانە و لە چوارچێوەی یاسا بەركارەكان و ئیتیكی كاری رۆژنامەوانی و پێوەرە نێودەوڵەتییەكان كارو ئەركەكانیان بەجێ بگەیەنن.
ئاماژیكردوە، هیوادارم رۆژنامەنوسان و میدیاكارانی كوردستان، كاربكەن لە پێناو برەودان و پاراستنی ئاشتی كۆمەڵایەتی و كلتوری بەیەكەوەژیانی ئایینی و نەتەوەیی و گرنگیدان بە پرسە نیشتمانییەكان و داكۆكیكردن لە ئەزمونی هەرێمی كوردستان وەك قەوارەیەكی یاسایی و دەستوری و جێی هیوای هەموو كوردستانیان.
مەسرور بارزانی ئومێدیشی خواستوە، ئامانجی سەرەكی میدیاكارانی كوردستان گەیاندنی راستی و زانیاری باوەڕپێكراو و هاوسەنگ و خزمەتكردنی خەڵك و هاوڵاتیانی كوردستان و بەرگریكردن بێت لە مافەكانی خەڵكی كوردستان، نابێت دەزگاكانی راگەیاندن ببنە سەكۆیەك بۆ بڵاوكردنەوەی هزری توندڕۆیی و هاندانی توندوتیژی و سوكایەتیكردن بە خەڵك و بەهاو سیمبولە نەتەوەیی و نیشتمانییەكان
