واژۆ
عەبدولـلەتیف رەشید سەرۆك كۆماری عیراق و ئیبراهیم رەئیسی هاوتا ئێرانییەكەی تاوتوێی پەیوەندییەكانی نێوان هەردوو وڵاتیان كرد.
بەگوێرەی راگەیەنراوێكی نوسینگەی راگەیاندنی سەرۆكایەتی كۆماری عیراق، ئیبراهیم رەئیسی لەكۆشكی سەعد ئاباد لە تاران لە رێوڕەسمێكی فەرمیدا پێشوازیی لە سەرۆك كۆماری عیراق كردوە.
پاشان كۆبونەوەكەش لە پرێس كۆنفرانسێكدا سەرۆك كۆماری عیراق تەئكیدی لەسەر پەیوەندییە لە مێژینەكەی هەردوو وڵات كردوە كە لەنێوان هەردوو گەلی دراوسێدا هەیەو رایگەیاند: پەیوەندییەكانی نێوان عیراق و ئێران بەهێزو پتەوەو جەخت لەسەر كاركردنی پێكەوەیی و پەرەپێدانی هەماهەنگی بەردەوامی نێوانمان دەكەینەوە لەسەرجەم بوارەكاندا كە لەنێویاندا رەچاوی پشكی ئاوی عیراق بكرێت كە زۆرینەی سەرچاوەكانی هەردوو روباری دیجلەو شەتولعەرەب سەرچاوەكانیان كۆماری ئیسلامی ئێرانە.
راشیگەیاند، هەڵوێستەكانی ئێران بۆ پشتیوانیكردنی گەلی عیراق لە روبەڕوبونەوەی رژێمی سەركوتكاری عیراق لەیاد ناكەن، هەروەها گرنگیدانی ئەو وڵاتەو سەرپەشتیكردنی عیراقییەكان لەدوای بۆردومانكردنی گەلی كورد بە چەكی كیمیاویی لە هەڵەبجەو هەروەها لەم دواییانەشدا پشتیوانیكردنیان لە روبەڕوبونەوەی چەكدارانی داعش لەبیر ناكەن.
