واژۆ
پەرلەمانتارێكی نەوەی نوێ لەشاری بەغدا رایگەیاند: بەردەوامن لە لۆبی كردن بۆ كۆكردنەوەی دەنگ بۆ پشتیوانیكردنی پرۆژە یاسای بەپارێزگاكردنی هەڵەبجە.
ئاریان تاوگۆزی ئەندامی ئەنجومەنی نوێنەرانی عیراق لەسەر فراكسیۆنی نەوەی نوێ بڵاویكردۆتەوە، لەگەڵ خالد دەراجی پەرلەمانتارو سەرۆكی لیژنەی هەرێم و پارێزگاكان لە پەرلەمانی عیراق و محەمەد شەمەری پەرلەمانتارو ئەندامی هەمان لیژنەی پەیوندیداری یاسای بە پارێزگاكردنی هەڵەبجە كۆبونەتەوە.
راشیگەیاندوە، سوپاس و پێزانیان دەربڕیوە بۆ كارەكانیان و پشتگیریان بۆ یاسای بە پارێزگاكردنی هەڵەبجەو داوایانكردوە بەردەوامبن لە پشتگیری یاساكە تا كۆتایی و ئەوانیش پەیمانی پشتگیریانداوەو یاساكەیان بۆ سەرۆكایەتی پەرلەمان بەرزكردۆتەوە بۆئەوەی بخرێتە بەرنامەی دانیشتنەكان بۆ خوێندنەوەی دوەم و دەنگدان لەسەر یاساكە.
ئاریان تاوگۆزی راشیگەیاندوە، بەردەوام دەبن لە لۆبیكردن بۆ كۆكردنەوەی دەنگی پشتگیری بۆ یاساكە.
