واژۆ
بەهۆی ئەگەری بەرزكردنەوەی رێژەی سودی بانكی لە ئەمریكا و سستبوونی بازاڕەكانی پیشەسازی لە چین، نرخی نەوتی خاو دابەزینی بەرچاوی بەخۆیەوە بینی و یەك بەرمیل برێنت بە كەمتر لە 79 دۆلار دەفرۆشرێت.
بەپێی داتاكان، نەوتی خاوی برێنت نزیكەی 2%ی نرخەكەی لەدەستداوە و بەرمیلێك گەیشتووەتە 78 دۆلار و 79 سەنت، هەروەها بەرمیلێك خاوی تەكساسی ئەمریكی بەرامبەر 75 دۆلار و 21 سەنتە.
لەلایەكی ترەوە بەپێی داتاكانی ماڵپەڕی رێكخراوی ئۆپێك، بەرمیلێك نەوتی خاوی ئەو رێكخراوە زیاتر لە 3%ی نرخەكەی لەدەستداوە و یەك بەرمیل هاتووەتە خوارەوە بۆ 78 دۆلار و 40 سەنت.
بەپێی بۆچوونی شارەزایان، هۆكاری دابەزینی نرخی نەوت بۆ مەترسیەكانی بەرزكردنەوەی رێژەی سودی بانكی لە ئەمریكا و سستبوونی بازاڕی پیشەسازیی لە چین دەگەڕێتەوە.
