واژۆ
عەلی حوسێن بەرپرسی مەكتەبی رێكخستنی پارتی لە سلێمانی و هەڵەبجە ئاشكرای كرد، لیژنەیەكی تایبەت هەیە بەدواداچوون بۆ ناكۆكییەكانی نێوان پارتی و یەكێتی دەكات، هەروەها پارتی هەموو هەوڵەكانیان بۆ ئەنجامدانی هەڵبژاردن دەخەنەگەڕ.
عەلی حوسێن لە كۆنگرەیەكی رۆژنامەوانیدا بە میدیاكانی وت، لیژنەیەكی تایبەت هەیە بۆ بەدواداچوون بۆ ناكۆكییەكانی نێوان یەكێتی و پارتی ئەو لیژنەیە لە كارەكانی بەردەوامە.
سەبارەت بە ئەنجامدانی هەڵبژاردن وتی، ئەوان وەك پارتی هەموو هەوڵەكانیان بۆ ئەنجامدانی هەڵبژاردن دەخەنەگەڕ و بۆ ئەو مەبەستەش سەرۆكایەتی هەرێمی كوردستان بەرواری هەڵبژاردنی دیاریكردووە.
ماوەی چەندین مانگە تیمی یەكێتی لە حكومەتی هەرێمی كوردستان بەشداری كۆبوونەوەكانی ئەنجومەنی وەزیران ناكات و لە چەندین بابەت نیگەرانن، لەماوەی رابردوداش بۆ ئەو مەبەستە شاندێكی حكومی سەردانی باڤڵ تاڵەبانی جێگری سەرۆكی حكومەتیان كرد.
