واژۆ
نێچیرڤان بارزانی سەرۆكی هەرێمی كوردستان و موحسین مەندەلاوی جێگری یەكەمی سەرۆكی ئەنجومەنی نوێنەرانی عیراق كۆبونەوە.
بەگوێرەی راگەیەنراوێك، لەو كۆبونەوەیەدا دوایین پێشهاتەكانی دۆخی سیاسی وڵات، كار و بەرنامەی حكومەتی فیدراڵیی عیراق، بابەتی پرۆژەیاسای بودجەی گشتیی و پەیوەندییەكانی هەولێر ـ بەغدا تاوتوێكراون.
ئاماژە بەوەشكراوە، هەردوولا هاوڕا بون لەسەر گرنگی هاریكاریی نێوان لایەنە سیاسییەكانی عیراق بۆ تێپەڕاندنی سەختییەكان و چارەسەركردنی كێشەكان و پاراستنی سەقامگیریی سیاسیی وڵات، هەروەها جەختیان لە پێویستی و گرنگی پەسەندكردنی یاسای بودجەی گشتیی عیراق و جێبەجێكردنی كارنامەی حكومەت كردۆتەوە.
