واژۆ
رێكخراوی یونسێف لەعیراق ئاشكرای دەكات، عیراق سەركەوتنی گەورەی بەدەستهێناوە لە كەمكردنەوەی نەخۆشییە بەكترییەكان.
شیما سان غوبتا نوێنەری رێكخراوی یونسێف لە عیراق رایگەیاند: شانازی دەكەین بەعیراقەوە كە توانیویەتی بەكتریاو نەخۆشییەكانی كەمبكاتەوە بەهۆی بەردەوامی هەڵمەتەكانی كوتانەوە بۆ ئەوەش سوپاسی وەزارەتی تەندروستی عیراق دەكەین كە ئەو دەستكەوتەی بەدەستهێناوە.
تەئكیدیشی كردۆتەوە كە هەردوو رێكخراوی یونسێف و تەندروستی جیهانی پشتیوانی دەكەن بە ئامۆژگاریكردن و راوێژكردن پێیان.
ئەو نوێنەرەی یونسێف باسی لەوەشكردوە، كوتانەكان دەریانخستوە كە ستراتیجیەتێكی گرنگ و گەورەیان هەیە لە پاراستنی ژیان هەروەها ڤاكسینەكانی منداڵ هاوكار بوە بۆ ژیانێكی شایستەو دور لە كێشە تەندروستییەكان كە لە رێگەیانەوە هاوكارن بۆ دروستكردنی كۆمەڵگەیەكی تەندروست.
