واژۆ
لەگەڵ وەزیری كۆچ و كۆچبەرانی عیراق تاوتوێی گەڕاندنەوەی ئاوارەكان دەكرێت بۆ زێدی خۆیان تاكو بەكارنەهێنرێن بۆ ساختەكردن لەهەڵبژاردنەكاندا.
سۆران عومەر ئەندامی ئەنجومەنی نوێنەرانی عیراق بڵاویكردۆتەوە، سەردانی ئیڤانا جابرو وەزیری كۆچ و كۆچبەرانیان كردوە سەبارەت بە دۆخی ئاوارەكان لەهەرێمی كوردستان و گەڕانەوەیان بۆ شوێنی خۆیان گفتوگۆیان كردوە وەك یەكێكە لە خاڵەكانی كارنامەی حكومەت.
ئاماژەشیكردوە، پێویستە رێگریەكانی بەردەم گەڕانەوەی ئاوارەكان لەزێدی خۆیان چارەسەری كۆتایی بۆ بكرێت و دۆسێی ئاوارەكان لە هەرێمی كوردستان كۆتایی پێ بهێنرێت بە شنگالیشەوە، هەروەها باسیان لەوەكردوە نابێت ئاوارەكان بكرێنە بارمتە تاكو هیچ لایەنێك لە هەڵبژاردندا ناچاریان نەكات و بەكاریان نەهێنێت بۆ دەنگدان و ساختەكردن لەبەرژەوەندی خۆی.
سۆران عومەر راشیگەیاندوە، وەك ئەندامی لیژنەی كۆچ و كۆچبەران لەئەنجومەنی نوێنەران پشتیوانی هەر هەنگاوێكین بۆ گەڕانەوەی ئاوارەكان و دابینكردنی بەشە بودجەی پێویست لە یاسای بودجەی ساڵی 2023 بۆ پێدانی هاوكاری گەڕانەوەیان.
