واژۆ
شاندێكی ئەنجومەنی بازرگانی ئەمریكا لەهەرێمی كوردستانەو لەگەڵ سەرۆك وەزیرانی هەرێم كۆبۆوە.
مەسرور بارزانی سەرۆكی حكومەتی هەرێمی كوردستان بڵاویكردۆتەوە، لە كۆبونەوەیدا لەگەڵ شاندێكی ئەنجومەنی بازرگانی ئەمریكا- كوردستان بە سەرۆكایەتی دەیڤد تەفوری سەرۆكی ئەنجومەنەكە كورتەیەكی دەربارەی ئامانجی سەردانەكەیان و پێكهاتەی شاندەكە خستۆتەڕوو ئامادەیی خۆشیان بۆ برەودان بە كار و وەبەرهێنانەكانیان لە هەرێمی كوردستان دەربڕیوە.
ئاماژەشیكردوە، تیشكمان خستە سەر دوایین گۆڕانكاری و پێشهاتەكانی هەرێمی كوردستان و پەیوەندی لەگەڵ حكومەتی فیدراڵ، ئاماژەمان بەوەدا كە هەرێمی كوردستان هەموو ئەرك و باپەندییەكانی خۆی لەچوارچێوەی دەستورو رێككەوتنەكان جێبەجێ كردوەو داوا دەكەن حكومەتی فیدراڵیش مافە دەستورییەكانی هەرێمی كوردستان پێشێل نەكات .
مەسرور بارزانی راشیگەیاندوە، لەو كۆبونەوەیەدا گفتوگۆیان كردوە لەبارەی دۆخی پێكەوەژیانی ئاشتیانەی پێكهاتەكان لەهەرێمی كوردستان و لەمبارەیەوە پابەندبونی حكومەتی هەرێمی كوردستانمان بە قوڵكردنەوەو پەرەپێدانی كلتوری پێكەوەژیانی نەتەوەیی و ئایینی و ئازادی ئایینی و پاراستنی مافی پێكهاتە جیاوازەكان دوپاتكردۆتەوە.
