واژۆ
شارەزایەكی ئابوریی عیراقی جەخت لەوە دەكاتەوە، بەبێ رێكەوتنی بازرگانی لەگەڵ ئێران بە رەزامەندی ئەمریكا، نرخی دۆلار سەقامگیری بەخۆیەوە نابینێت و ئەوەی لەو بارەیەوە بڵاودەكرێتەوە تەنها قسەی بێكەڵكە و بێمانان.
نەبیل موسەوی شارەزای ئابوریی لە بڵاوكراوەیەكدا باسی لەوەكردووە، دوای 7 مانگ لە جێبەجێكردنی سەكۆی ئەلكترۆنی و دوای فرۆشتنی ملیارەها دۆلار لەلایەن بانكی ناوەندییەوە مانگانە، سەرەڕای ئەو هەموو بەڵێنانەش كە راوێژكار و سیاسیەكان داویانە كە گوایە نرخی دۆلار یەكسان دەبێتەوە بە نرخی بانكی ناوەندی، بەڵام دۆلار بەرزبووەتەوە.
رونیشیكردووەتەوە، دۆلار هەر بەو شێوەیە دەمێنێتەوە تاوەكو ئەو كاتەی كە رێكەوتنێك لەگەڵ ئەمریكا دەكرێت لەسەر بازرگانی كردن لەگەڵ ئێران.
ئەو شارەزا ئابورییە پێشی وایە، جگە لەوە هەر شتێكی تر كە لەلایەن كەناڵ و بڵاوكراوە و لایەن و كەسایەتییەكانەوە دەوترێت، تەنها قسەی بێمانا و بەتاڵە و هیچ سودێكی نییە.
