واژۆ
لەشاری هەولێر بەبڕی 455 ملیۆن دینار شێڵتەری داڵدەدانی سەگی بێلانە دروستدەكرێت و لە قۆناغی كۆتاییدایە.
پارێزگای هەولێر بڵاویكردۆتەوە، ئومێد خۆشناو پارێزگاری هەولێر بەمەبەستی لەنزیكەوە ئاگاداربون لە چۆنیەتی بەڕێوەچونی كارەكان، پڕۆژەی دروستكردنی شێڵتەری داڵدەدانی سەگی بێلانەی بەسەر كردۆتەوە كە لە پێناو كەمكردنەوەو نەهێڵانی سەگی بێلانە لە سەر شەقام و ناو بازاڕو شوێنە گشتییەكان، بەبڕی 455 ملیۆن دینار لە سەر بودجەی پارێزگای هەولێرو لەسەر روبەری 20 دۆنم زەوی لە دەرەوەی شاری هەولێر دەست بە دروستكردنی كراوە.
راشگەیەنراوە پارێزگاری هەولێر جەختیكردۆتەوە پێویستە پڕۆژەكە لەماوەی دیاریكراوی خۆیدا بە كۆتابێت بۆ چارەسەركردن و دورخستنەوەی سەگی بێلانە كە بونەتە هۆی مەترسی بۆ سەر گیانی هاوڵاتیان و بڵاوبونەوەی نەخۆشی و پەتا، تاوەكو لە زوترین كاتدا لەلایەن لایەنە پەیوەندیدارو فەرمانگە خزمەتگوزارییەكانەوە لەپێناو بڵاونەبونەوەی نەخۆشییە گوازراوەكان و بەرەنگاربونەوەی زیادبونیان، بەمنزیكانە دەستدەكرێت بەهەڵمەتی گرتن و كۆكردنەوەی سەگەكان و گواستنەوەیان بۆ شێڵتەرەكان.
