واژۆ
كونسوڵخانەی گشتی ئەمریكا لە هەولێر پێشوازی لە گەڕانەوەی وەزیرەكانی یەكێتی بۆ دانیشتنەكانی ئەنجومەنی وەزیرانی هەرێم دەكات و پێشوازیش لە كاری پێكەوەیی دەكات.
كونسوڵخانەی ئەمریكا لە تۆڕی كۆمەڵایەتی فەیسبووك نوسیویەتی، پێشوازی لە گەڕانەوەی وەزیرەكانی یەكێتی نیشتیمانی كوردستان دەكەن بۆ گەڕانەوەیان بۆ ئەنجومەنی وەزیرانی حكومەتی هەرێمی كوردستان دوای ئەوەی لەگەڵ پارتی دیموكراتی كوردستان لەسەر پرسە گرنگەكان گەیشتنە رێككەوتن.
ئەوەش هاتووە، بە خۆشحاڵیەوە دەڕواننە كاری پێكەوەیی و هەماهەنگی نزیك لەگەڵ حكومەتی هەرێم لەسەر كارە لەپێشینە هاوبەشەكانیان بۆ پێشخستنی زیاتری ئەم بەرەوپێشچوونە.
ماوەی چەند مانگێك تیمی یەكێتی بایكۆتی كۆبونەوەكانی ئەنجومەنی وەزیرانی كرد، بەڵام دوای چەند سەردانێك و كۆبونەوەی مەسرور بارزانی سەرۆكی حكومەت لەگەڵ قوباد تاڵەبانی جێگری سەرۆكی حكومەت، تیمی یەكێتی گەڕانەوە كۆبوونەوەكان.
