واژۆ
عەلی حەمە ساڵح ئەندامی پێشووی پەرلەمانی كوردستان دەڵێت، لەبەرژەوەندی دوو پاڵاوتگە رێگری لە هێنانی گازوایل دەكرێت بۆ هەولێر و ئەوەش هۆكاری گرانبوونی نرخەكەیەتی.
عەلی حەمە ساڵح بڵاویكردووەتەوە، بەهۆی رێگریكردن لە هێنانی سوتەمەنی لە ناوچەكانی عیراقەوە بۆ بەرژەوەندی دوو پاڵاوگە، گازوایل بەشێوەیەكی بەرچاو لە هەولێر گران بووە و ئەمەش كاریگەری لە نرخی مۆلیدە و دروێنە و گواستنەوە دەكات.
نوسیویشیەتی، چەند رۆژێكە ڕێگا نادرێت هیچ سوتەمەنیەك داخڵی سنوری هەولێر بێت، سودمەندی یەكەم لەم بڕیارە پاڵاوگەی لاناس و كارە، نرخی بەرمیلێك گازوایلی كار لە 132 هەزار دینارەوە بووە بە 168 هەزار دینار.
هەر بە وتەی ئەو پەرلەمانتارەی پێشوو، ئەم گرانبوونە كاریگەری هەیە لەسەر گرانبوونی نرخی مۆلیدە و دروێنە و گواستنەوە بەگشتی، دەشڵێت كە پێویستە بازاڕ ئازاد بێت.
