واژۆ
ئەمڕۆ مەكتەبی سیاسی پارتی و یەكێتی لە هەولێر كۆدەبنەوە و تەوەری سەرەكی كۆبوونەوەكەش، هەڵبژاردنی داهاتووی پەرلەمانی كوردستان دەبێت.
بەپێی زانیارییەكان، بڕیارە ئەمڕۆ مەكتەبی سیاسی پارتی و یەكێتی لە شاری هەولێر كۆببنەوە و تەوەری سەرەكی كۆبوونەوەكە ئەنجامدانی هەڵبژاردنی پەرلەمانی كوردستان دەبێت، هەروەها ئەو كۆبوونەوە كاریگەری گرنگی دەبێت.
ئەمەش دوای ئەوەدێت، پێشتر هەردولا لە سلێمانی كۆبوونەوە و لە راگەیەندراوێكی هاوبەشدا جەختیان لەوەكردەوە، بڕیاریاندا وەك یەك تیم كار بكەن و زنجیرەیەك كۆبونەوەی دیكەش ئەنجامبدرێت بۆ فەراهەمكردنی كەش و هەوای لەبار لە رووی یاسایی و سیاسییەوە بۆ ئەنجامدانی هەڵبژاردن و روبەڕوبونەوەی ئەو تەحەدیاتانەی لە ناوچەكەدا هەن.
بڕیاربوو ساڵی رابردوو هەڵبژاردنی پەرلەمانی كوردستان بكرێت، بەڵام بەهۆی ناكۆكی نێوان یەكێتی و پارتی نەكرا و پەرلەمانی كوردستانیش سەرەڕای ناڕەزایەتیەكان تەمەنی خۆی درێژكردەوە بۆ كۆتایی ئەمساڵ، لەماوەی رابردوشدا سەرۆكی هەرێمی كوردستان رۆژی 18/11/2023ی وەك وادەی بەڕێوەچوونی هەڵبژاردن دیاری كرد.
