واژۆ
بەپێی لێكۆڵینەوەیەك، لەماوەی 8 دەیەی رابردودا لە كڵێساكانی ئیسپانیا دەستدرێژی سێكسی كراوەتە سەر زیاتر لە هەزار منداڵ، ئەویش لەلایەن قەشەكان و كارمەندانی كڵێساكانەوە.
بەپێی راپۆرتەكە كە لە كۆنگرەی قەشەكانی كاسۆلیك لە ئیسپانیا پێشكەش كرا، لەماوەی 8 دەیەی رابردودا زیاتر لە 927 قوربانی سكاڵایان لەسەر دەستدرێژی سێكسی و خراپی مامەڵەكردن لەگەڵیان تۆمار كردووە، ئەویش لەلایەن قەشەكان و ئەندامانی كڵێساكانەوە.
رونیشكراوەتەوە، 99%ی دەستدرێژی كاران رەگەزی نێر بوون و نیوەیان پیاوانی ئایینی بوون، هەروەها 83%ی قوربانییەكان رەگەزی نێر بوون، زۆرترین ژمارەی قوربانیش لە نێوان ساڵانی 1960 بۆ 1990 تۆمار كراون، لە ئێستاشدا زیاتر لە 63%ی دەستدرێژیكاران لە ژیاندا نەماون.
لای خۆیەوە خۆسیە گابریێل ڤیرا وتەبێژی كۆنگرەكە وتویەتی، دان بە زیانەكاندا دەنێن و دەیانەوێت هاوكاری سەرجەم قوربانییەكان بكەن بۆ چارەسەر كردنیان.
