واژۆ
كۆمپانیای نیشتمانی نەوتی دەریایی چین رایگەیاند، یەكەمین پڕۆژەی دەریایی چین بۆ هەڵگرتنی ملیۆنان تۆن لە دوەم ئۆكسیدی كاربۆن لە دەریای باشوری چین چوەتە قۆناغی كاركردنەوەو پڕۆژەكە بەشێوەیەك داڕێژراوە كە كۆی گشتی زیاتر لە یەك ملیۆن و 500 هەزار ئۆكسیدی كاربۆن هەڵبگرێت.
یەك ملیۆن و 500 هەزار تۆن دوەم ئۆكسیدی كاربۆن یەكسانە بە چاندنی نزیكەی 14 ملیۆن دار، كە خزمەت بە سەكۆی نەوتی ئەنپینگ دەكات كە 200 كیلۆمەتر لە باشوری رۆژئاوای شاری شنچنەوە دورە، لەوێش دوەم ئۆكسیدی كاربۆن كە لە كێڵگە نەوتییەكانەوە بەرهەم دێت دەگیرێت و پرۆسێسی دەكات و دواتر دەیخاتە ناو پێكهاتەیەكی جیۆلۆجی شێوە قوبە نزیكەی 800 مەتر لە ژێر دەریاوەو نزیكەی 3 كم لێیەوە دورە.
بەوتەی كۆمپانیاكە، پڕۆژەكە رێگایەكی نوێ بۆ چین دەكاتەوە بۆ گەیشتن بە ئامانجی دو كاربۆنی كە بریتییە لە لوتكەی دەردانی دوەم ئۆكسیدی كاربۆن تا ساڵی 2030 و گەیشتن بە بێلایەنی كاربۆن تا ساڵی 2060.
چین دوەم ئۆكسیدی كاربۆن كە لە كەنداوی دایا دەردەچێت دەگرێت و بە كەشتی دەینێرێت بۆ هەڵگرتن لە رۆژهەڵاتی ناوەڕاستدا.
