واژۆ
رافایێل ماریانۆ سەرۆكی ئاژانسی نێودەوڵەتی وزەی ئەتۆم رایگەیاند، دوای تەقاندنەوەی بەنداوی كاخۆڤكا لەناوچەی خێرسۆن لە ئۆكرانیا، كەمبونەوەی ئاستی ئەو ئاوەی كە بۆ ساردكردنەوەی ریاكتۆرەكانی وێستگەی ئەتۆمی زاپۆریژییا بەكار دەهێنرێت بەردەوامە.
لە راگەیەنراوێكدا سەرۆكی ئاژانسی نێودەوڵەتی وزەی ئەتۆم رایگەیاندوە، ئاستی ئاوی بەكارهێنراو بۆ ساردكردنەوەی ریاكتۆرەكانی وێستگەی زاپۆریژییا بەردەوام لە كەمبونەوەدایەو لەسەر بانگهێشتی زێلێنسكی سەرۆكی ئۆكرانیا هەفتەی داهاتو سەردانی ئەو وڵاتە دەكات، ئاژانسەكەشیان پشتیوانی پێشكەش بە ئۆكرانیا دەكات.
رافایێل ماریانۆ راشیگەیاندوە، ئەوان لە سەرەتای جەنگەكەوە پشتگیری لە رێگریكردن لەكارەساتی ئەتۆمی دەكەن و بەشداری دەكەن لە ساڕێژكردنی ئەو برینانەی كە بەهۆی كارەساتی بەنداوەكەوە دروستبون، لەكاتێكدا دۆخی وێستگە ئەتۆمییەكە خۆی لەخۆیدا مەترسیدار بو، دوای تەقاندنەوەی بەنداوەكەش دۆخەكە ئاڵۆزتر بوە.
