واژۆ
كۆبونەوەی ئەنجومەنی نوێنەرانی عیراق لە وادەی خۆی دواكەوت و پەرلەمانتارێكیش ئاشكرایكرد كە بڕگەی گەراندنەوەی پاشەكەوتی موچە دەخەنە دەنگدانەوە.
بڕیار رەشید ئەندامی ئەنجومەنی نوێنەرانی عیراق بڵاویكردۆتەوە، بڕگەی گەڕاندنەوەی پاشەكەوتی موچە دەخەنە دەنگدانەوە بەڵێنــێكە داویانـەو مــافی خوراوی خەڵك دەگەڕێننەوە.
بڕیار رەشید باسی لەوەشكردوە، لەم مانگەوە كێشەی موچەی هاوڵاتیان نامێنێت و هەموو مانگێك لە سەری مانگ موچە دەدرێت بە هاوڵاتیان وەك هەموو پارێزگاكانی عیراق، دوا دەرفەتە لەبەردەم هەموو لایەنە كوردیەكان واز لە ئینكاری سیاسی بهێنن و پشتیوانی داواكاریەكەیان بن بۆ گەڕاندنەوەی پاشەكەوتی موچە، چونكە هاوڵاتیان و موچەخۆرانی كوردستان لە رابردودا ناڕەحەتی زۆریان چەشتوە.
ئەو پەرلەمانتارە وتوشیەتی: پاشەكەوتیش دەگەڕێننەوە خۆ ئەگەر لایەنە كوردییەكانی تر بیانوی جۆراو جۆر بۆ رێكەوتنی ژێر بەژێری خۆیان بهێننەوەو لەگەڵیان نەبن، ئەوا هەر پاشەكەوت دەگەڕێننەوە.
