واژۆ
ساماڵ عەبدولڕەحمانبەڕێوەبەری گشتی گومرگی هەرێمی كوردستان دەڵێت، داهاتی دەروازە سنورییەكان مانگانە لە نێوان 110 بۆ 130 ملیارە و ئەو داهاتەی نیوەی دەدرێتە حكومەتی ناوەندی.
ساماڵ عەبدولڕەحمان بە دەنگی ئەمریكای وتووە، لە مانگی كانونی یەكەمەوە دەبێت 50%ی داهاتی خاڵە گومرگییەكان بدرێتە بەغدا، ئەوەش بەپێوەی لێدەركردن و لە بودجەی نێردراو كەمی دەكەنەوە.
رونیشیكردوەتەوە، ئەمە حاڵەتێكی ئاساییە و بۆ هەموو عیراقە و تەنها بۆ هەرێمی كوردستان نییە و هەر هاوڵاتیەكی عیراقی قازانج دەكات، چونكە بەشێك لەو داهاتەی ئێمەش بەشدار دەبێت لە دروستبونی ئەو بودجەیەی هەیە.
سەبارەت بەوەی ئایا ئەگەری هەیە بەغدا دەست بگرێت بەسەر خاڵە گومرگییەكان وەك مەلەفی نەوت، بەڕێوەبەری گشتی گومرگی هەرێمی باسی لەوەكردووە، بەدوری دەزانێت چونكە رێككەوتنەكان جارێكی تر ئاسۆیەكی كردەوە لە بەردەم هەرێم و ناوەنددا كە بە لێكتێگەیشتن كێشەكان چارەسەر بكرێن، بۆیە بە دوری دەزانم بەو شێوازە بێت، بەڵام رێككەوتن دەكرێت و لەوانەیە وابخوازێت بە هاوبەشی گومرگ و دەروازەكان بەڕێوە ببەن، ئایندە ئەوە روندەكاتەوە.
