واژۆ
یەكەمین وێستگەی بەرهەمهێنانی هایدرۆجین و دابەشكردنی لەپاریس كرایەوە كە یەكێكە لە گەورەترین وێستگەكانی وڵاتانی ئەوروپا.
ئەو وێستگەیە توانای بەرهەمهێنانی یەك تۆن هایدرۆجینی هەیە لە رۆژێكدا كە بەرامبەرە بە پڕكردنەوەی سوتەمەنی یەك ئۆتۆمبێل لە رۆژێكدا 400 جار.
بەگوێرەی هەواڵێك كە لە ئاژانسەكانی تایبەت بە بواری ژینگە بڵاوكراوەتەوە، لە پاریس سێ وێستگەی هایدرۆجین كراونەتەوەو لەئێستادا 350 ئۆتۆمبێلی بارهەڵگر كە وەك كرێ كار لەگەڵ كۆمپانیای هیسیتكۆدا دەكەن هایدرۆجین دەگوازنەوە بۆ وێستگەكانی كارەباو ئەوانەی تایبەت بە وزە.
لەوبارەیەوە كامی لیا باسران بەڕێوەبەری پەرەپێدانی كۆمپانیاكە رایگەیاندوە، لەئێستا بەدواوە بیردەكەنەوە كە كارەكانیان زیاتر پەرەپێبدەن و ژمارەی ئۆتۆمبێلە بارهەڵگرەكانیان تاكۆتایی ئەمساڵ بگەیەننە 600 ئۆتۆمبێل.
بەمەبەستی كەمكردنەوەو نەهێشتنی كاربۆن كە كاریگەریی زۆری لەسەر بەرگەهەوا داناوە، وڵاتان بیریان بە بەكارهێنانی هایدرۆجین كردۆتەوە تاكو لە وێستگەكانی بەهەمهێنانی وزە لەبری سوتەمەنی بەكاری بهێنن، ئەم رێگەیەشیان بە یەكێك لەو رێگایانە داناوە كە دەتوانن كاربۆن كەمبكەنەوە كە كاریگەریی زۆری لەسەر گۆڕانكارییەكانی كەشوهەوا هەیەو رەنگە لە داهاتودا مرۆڤایەتی بخاتە بەردەم مەترسیەوە.
