واژۆ
بەپێی توێژینەوەیەكی بەریتانی، ژاوەژاو جگە لەوەی یەكێكە لە هۆكارەكانی پیسبوونی ژینگە، مەترسی لەسەر زیادبوونی نەخۆشیەكانی دڵ و ملولەكانی خوێنیش هەیە، بەتایبەتی لەسەر ئەوانەی كە لە نزیك فڕۆكەخانەكان دەژین.
توێژینوەكە كە “ئیمپریاڵ كۆلێج” لە لەندەن ئەنجامیداوە باسی لەوەكردووە، ئەو كەسانەی لە نزیك فڕۆكەخانەكان دەژین مەترسی توشبوونیان بە جەڵتەی دڵ و كێشە تەندروستییەكان زیاترە، ئەوەش بەپێی توێژینەوەیەك كە لەسەر ئەو كەسانەی لە نزیك فڕۆكەخانەی “هیسرۆ” دەژین كراوە.
رونیشكراوەتەوە، كەمێك مەترسی زیاتر لەسەر ئەو كەسانە هەیە كە لەناو ژاوەژاوی زیاتردان، هەروەها ئەو پیاوانەی كە تەمەنیان لە 65 ساڵ زیاترە مەترسی زیاتریان لەسەرە.
سەبارەت بە هۆكارەكەی هاتووە، ژاوەژاوی فڕۆكەكان كێشە بۆ خەو دروست دەكات و پەستانی خوێن و كۆلیسترۆڵ و ئاستی ئۆڕمۆنەكان بەرزدەكاتەوە، ئەوانەش هۆكارەكانی توشبوونن بە نەخۆشیەكانی دڵ.
