واژۆ
رۆژنامەیەكی ئەمریكی ئاشكرای كردووە، هەواڵگری ئەمریكا پێش چەند رۆژێك دەیانزانی كە چێشتلێنەرەكەی ڤلادیمێر پۆتین سەرۆكی روسیا هەڵگەڕانەوەی سەربازی دژی وەزارەتی بەرگری وڵاتەكەی ئەنجام دەدات.
رۆژنامەی “نیویۆرك تایمز” بڵاویكردووەتەوە، رۆژی 21ی ئەم مانگە هەواڵگری ئەمریكا زانیارییان داوەتە بەرپرسانی وڵاتەكەیان لەسەر ئەوەی كە هێزی ڤاگنەر پرۆسەیەك دژی وەزارەتی بەرگری روسیا ئەنجام دەدەن، ئەوەش واتای چەند رۆژێك پێش هەڵگەڕانەوەكە.
ئەوەش هاتووە، لە زانیاریە هەواڵگرییەكانی ئەمریكادا هاتبوو، “یەڤگینی بریگوجین” سەرقاڵی پلانێكە و لە ئێستاش تاووتوێی ئەوە دەكات كە كارەكەی چۆن دەبێت و ئەنجامی چی دەبێت، شتێك لە روسیا روودەدات.
بەپێی راپۆرتەكە، پێشتریش ئەمریكا زانیبووی كە روسیا هەوڵی داگیركردنی ئۆكرانیا دەدات و زانیاریەكەی بڵاوكردەوە وەك هەوڵێك بۆ رێگریی كردن لە پۆتین، بەڵام زانیاری سەبارەت بە هەوڵەكەی ڤاگنەر بڵاونەكردەوە.
