واژۆ
دوای ئەوەی بەهۆی گەرماوە 112 كەس لە مەكسیك گیانیان لەدەستدا، شەپۆلی گەرما ئەمریكاشی گرتووەتەوە و تاوەكو ئێستا لانیكەم 13 كەس گیانیان لەدەستداوە.
بەپێی سەرچاوەكانی هەواڵی ئەمریكا، شەپۆلێكی گەرمای سەخت رووی لە باشوری ئەو وڵاتە بەتایبەت ویلایەتەكانی تەكساس و لویزیانا كردووە و پلەكانی گەرما گەیشتوونەتە 40 پلە و زیاتریش، تاوەكو ئێستا 13 كەس بەهۆی ئەو گەرماوە گیانیان لەدەستداوە.
شارەزایان باس لەوە دەكەن، هۆكارەكانی بەرزبوونەوەی پلەی گەرما بەو شێوەیە، گۆڕانكاری كەشوهەوایە، هەروەها بەهۆی ئەو ئاگرەی دارستانەكانی كەنەدای گرتووەتەوە بەرزبوونەوەی پلەكانی گەرما زیاتر بوون لە ناوچەكە، ئەوەش سەرەڕای ئەوەی زیانێكی زۆری بە سروشت و هەوای ناوچەكە گەیاندووە.
زیاتر لە دوو هەفتەیە هەمان بەرزبوونەوەی پلەكانی گەرما وڵاتی مەكسیكیشی گرتووەتەوە و بەهۆیەوە 112 كەس گیانیان لەدەستدا.
