واژۆ
كەریم عەلی سەرۆكی لیژنەی نەوت و وزە لە ئەنجومەنی پارێزگای سلێمانی دەڵێت، بەپێی یاسای بودجە دەبێت بەرمیلێك نەوتی سپی بە 30 هەزار دینار بدرێتە هاوڵاتیانی هەرێم.
كەریم عەلی بە میدیای یەكێتی وتووە، حكومەتی عیراق ساڵانە بەرنامە و پلانی بۆ دابەشكردنی نەوتی سپی بەسەر هاوڵاتیاندا هەیە، لە مانگی ئەیلولەوە دەست بە دابەشكردنی نەوتی سپی دەكات تاوەكو مانگی نیسان.
رونیشیكردووەتەوە، حكومەتی عیراق ساڵانە بڕێك نەوتی سپی بۆ هەرێمی كوردستان دەنێرێت و ساڵی رابردوو یەك بەرمیل نەوت بە نرخی 105 هەزار دینار درایە هاوڵاتیان و بەپێی یاسای بودجە دەبێت حكومەتی عیراق یەك بەرمیل نەوتی سپی هاوشێوەی پارێزگاكانی ناوەڕاست و باشووری عیراق بە 30 هەزار دینار بدرێتە هاوڵاتیان.
ئەندامەكەی ئەنجومەنی پارێزگای سلێمانی پێشی وایە، ئەوەش ئەركی پەرلەمانتارانی كوردە لە بەغداد بەدواداچوون بۆ ئەو بابەتە بكەن.
