واژۆ
رێكخراوی فاو هۆشداری دەدات لە وشكبوونی زۆنگاوەكانی باشوری عیراق، ئەوەش بەهۆی ئەوەی روبەڕووی شەپۆلێكی گەرما بووەتەوە كە لەماوەی 40 ساڵی رابردودا وێنەی نەبووە.
رێكخراوی خۆراك و كشتوكاڵی سەر بە نەتەوە یەكگرتووەكان ناسراو بە “فاو” لە راگەیەندراوێكدا بڵاویكردووەتەوە، دەرهاویشتەكانی گۆڕانی كەشوهەوا بەشێوەیەكی مەترسیدار لەسەر ئاوی ئەهوارەكان و بەخێوكردنی گامێشەكان لە باشووری عیراق هەبووە.
رونیشیكردووەتەوە، ئێستا ئەهوارەكانی عیراق روبەڕووی توندترین شەپۆلی گەرما بوونەتەوە كە لە 40 ساڵی رابردودا وێنەی نەبووە، هەروەها بەهۆیەوە ئاوی روباری فورات بەشێوەیەكی چاوەڕوان نەكراو كەمبووەوە.
فاو هێمای بۆ ئەوەشكردووە، ئاستی ئاوی روباری فورات تەنیا 56 سانتیمەتر بووە، بەڵام لە ئەهوارەكانی جەبایش ئاستی ئاو لەنێوان سفر بۆ 30 سانتیمەتردایە.
