واژۆ
بومەلەرزەیەكی بەهێز بە گوڕی زیاتر لە 7 پلە بە پێوەری رێختەر لە كەنارەكانی ولایەتی ئالاسكای ئەمریكای داو هۆشداری لە دروستبوونی تسوونامی دەدرێت.
دەستەی جیۆلۆجی ئەمریكی بڵاویكردووەتەوە، ئەمڕۆ یەكشەممە بومەلەرزەیەكی بەهێز كەنارەكانی ولایەتی ئالاسكای سەربە ولایەتە یەكگرتووەكانی ئەمریكای هەژاندووە.
ئەوەش هاتووە، گوڕی بومەلەرزەكە 7.4 پلە بووە بە پێوەری رێختەر و 9.3 كیلۆمەتر قوڵ بووە و ناوەندەكەی لە 106 كیلۆمەتر لە باشوری شارۆچكەی “سانت پۆینت” بووە كە دانیشتووانەكەی نزیكەی هەزار كەسە.
شارەزایانی جیۆلۆجی هۆشدارییان داوە لەوەی، كە دوای ئەو بومەلەرزە بەهێز ئەگەری روودانی تسوونامی هەیە.
