واژۆ
ئازاد محەمەد ئەمین سەرۆكی ئەنجومەنی پارێزگای سلێمانی راگەیاند، دوای دەركردنی رێنماییەكانی تایبەت بە یاسای بودجە بە دڵنیاییەوە هاوشێوەی پارێزگاكانی عیراق بەنزین بە 450 دینار بۆ پارێزگاكانی هەرێمی كوردستانیش دابین دەكرێت.
ئازاد محەمەد ئەمین بە میدیای یەكێتی وتووە، لەگەڵ ژمارەیەك لە پەرلەمانتارانی كورد لە بەغدا كۆبونەوەیان كردووە و ئاماژەیان بەوەكرد، چاوەڕوانی دابەزاندنی رێنماییەكانی تاییەت بە یاسای بودجە دەكەن.
رونیشیكردووەتەوە، وتیان بەدواداچوونی جددی لەبارەی ئەوەوە دەكەن كە هاوشێوەی پارێزگاكانی دیكەی عیراق بەنزین بەنرخی پاڵپشتیكراو بۆ هەرێمی كوردستان داببین دەكرێت، بەوپێیەی هەرێم نەوتەكەی رادەستی بەغدا دەكات.
بەپێی وتەی سەرۆكی ئەنجومەنی پارێزگای سلێمانی، بەشێك لە نەوتی هەرێمی كوردستان بۆ پاڵاوگەكانی عیراق دەبێت و بەرهەمی ناوخۆی پێ دابین دەكرێت، بەوەش نرخی بەنزین لە هەرێم هاوشێوەی عیراق دەبێت، بەو مەرجەی هەرێم رێككەوتنەكەی لەگەڵ عیراق وەك خۆی جێبەجێبكات.
