واژۆ
د. شێركۆ جەودەت پەرلەمانتاری خولی پێنجەمی پەرلەمانی كوردستان دەڵێت، دەبێت سیستمی دارایی و دابەشكردنی موچە لە نێوان هەرێم و عیراق یەكبخرێتەوە و هەرێم 2 موچە بەیەكەوە دا بەش بكات.
شێركۆ جەودەت بۆ میدیای فەرمی یەكێتی ئاماژەی بەوەداوە، ناكرێت بەغداد موچەی مانگی 7 دابەشبكات و هەرێمی كوردستان موچەی مانگی 6، پێویستە دابەشكردنی موچە یەكبخرێتەوە.
وتوشیەتی، بەو پێیەی لە بەغداوە موچە و بودجەی هەرێمی كوردستان دەنێرێت، دەبێت هەرێم دوو موچە دابەشبكات تاوەكو لەگەڵ عیراق یەكبخرێتەوە.
ئەو پەرلەمانتارەی پێشوو هێمای بۆ ئەوەشكردووە، پاكتاوی دارایی پابەندییەكی یاسای بودجەیە و دەبێت لە هەرێمی كوردستان جێبەجێبكرێت و كار بە یاسای بودجە بكرێت، دەبێـت پاكتاوی دارایی هەنگاوی بۆ بنرێت.
