واژۆ
فەرماندەی فەرماندەیی پرۆسەكانی بەغدا ئاشكرای كرد، پلانی رێوڕەسمی عاشورا بەسەركەوتویی بەڕێوەچوەو بۆ یەكەمینجارە رێگەكانمان دانەخستوە.
فەریق روكن ئەحمەد سەلیم فەرماندەی فەرماندەیی پرۆسەكانی بەغدا رایگەیاندوە، لەماوەی 20 ساڵی رابردودا بۆ یەكەمنیجارە پلانمان دانا بۆ رێوڕەسمەكانی عاشوراو رێگەكانمان دانەخست، دڵنیا بوین كە دەتوانین پارێزگاری لە سەرجەم سروتەكانی حسێنیە لەناوچە جیاوازەكانی بەغدا بكەین، بەتایبەت لەشاری كازمیە توانیمان تایبەتمەندێتی بدەینێ، چونكە زیارەتكاران زۆرترین سەردانیان كردوە.
ئاماژەشیكردوە، ئەمساڵ لەساڵانی رابردو جیاوازتر بو كارمەندانی دەزگا ئەمنییەكان نەرمی زۆریان نواند بەرامبەر زیارەتكاران بۆ ئەمەش كاتێكی دیاریكراومان دیاری نەكردوە تاكو تا پلانەكانمان كۆتایی پێ بهێنین، هەركات سەرجەم رێوڕەسمەكان كۆتاییان پێهات ئەوا كۆتاییهاتنی پلانە ئەمنییەكان رادەگەیەنین.
