واژۆ
بەغدا سوتەمەنی و بەرهەمە نەوتییەكان بە نرخی پاڵپشتیكراو بۆ هەرێمی كوردستان دەنێرێت.
نەرمین مەعروف ئەندامی ئەنجومەنی نوێنەرانی عیراق بڵاویكردۆتەوە، لەبەردەوامی بەدواداچونەكانی لیژنەی دارایی پەرلەمانی عیراق بۆ پرسی بودجەو پشكی هەرێم و چارەسەركردنی كێشەی موچەی فەرمانبەران، لیژنەی دارایی لەگەڵ بەڕێوەبەری كۆمپانیای سۆمۆ و شاندێكی وەزارەتی نەوتی عیراق كۆبونەوەی سازكرد.
راشیگەیاندوە، وێڕای گفتوگۆكردن لەسەر چەند پرسێكی گرنگ تایبەت بە هەناردەكردنی نەوتی هەرێم و پابەندییەكانی هەرێم لە بودجەی گشتی، شاندی وەزارەتی نەوت ئاماژەیاندا بەوەی لەگەڵ هەرێم رێكەوتون لەسەر دابینكردنی پێداویستی هەرێم لە سوتەمەنی و بەرهەمە نەوتییەكان بەنرخی پاڵپشتیكراو هاوشێوەی پارێزگاكانی تری عیراق.
