واژۆ
حكومەتی سوید بەنیازە لە تشرینی دوەمی ساڵی 2024ـەوە باج لەسەر كیسی نایلۆن هەڵبوەشێنێتەوە، ئەمەش هەنگاوێكە كە لەلایەن گروپە ژینگەپارێزەكانەوە بەتوندی رەخنەی لێدەگیرێت.
لەساڵی 2020 دا وڵاتی ئەسكەندەناڤیا باجی 3 كرۆن كە دەكاتە 0.27 دۆلاری لەسەر كیسی نایلۆن دانا، هەرچەندە هەندێك لە فرۆشگاكان نرخەكەیان بۆ نزیكەی 7 كرۆن بەرزكردەوە.
هەروەها لەساڵی 2019 دا واتە ساڵێك پێش سەپاندنی باجەكە تێكڕای كڕین بۆ هەر كەسێك لە سوید ساڵانە گەیشتوەتە 74 كیسی نایلۆن و بەپێی ئامارەكانی دەزگای پاراستنی ژینگەی سویدیش لەساڵی 2022دا تەنها بۆ 17 كیسە دابەزیوە.
رۆمینا پورموختاری وەزیری كەشوهەوا رایگەیاندوە، قەناعەتمان هەیە كە خەڵكی سوید لە ژیانی رۆژانەیاندا ژیرانە كیسی نایلۆن بەكاردەهێنن و هیچ هۆكارێك نیە بۆ ئەوەی ئەوەندە گران بێت.
