واژۆ
ژمارەی ئەو كەسانەی كە لە هێرشەكانی ئیسرائیل بۆ سەر كەناری رۆژئاواو كەرتی غەزە كوژراون، بەرزبوەوە بۆ 704 كەس.
وەزارەتی تەندروستی فەلەستین لە ڕاگەیانراوێكدا، دوایین ئاماری قوربانیانی هێرشەكانی ئیسرائیلی بۆ سەر كەناری رۆژئاواو كەرتی غەززە بڵاوكردەوە.
بەپێی راگەیانراوەكە لەهێرشەكانی سوپای ئیسرائیل بۆ سەر كەناری رۆژئاوا و كەرتی غەزە تا ئێستا 704 كەس كوژراون كە لەنێویاندا 143 منداڵ و 105 ئافرەت هەن، هەروەها چوار هەزار كەسی دیكەیش برینداربون.
لە راگەیانراوەكەدا باس لەوەشكراوە كە سوپای ئیسرائیل لە هێرشەكانیدا تیمەكانی فریاكەوتن دەكاتە ئامانج و نەخۆشخانەكانیش بۆردومان دەكات.
