واژۆ
رەجەب تەیب ئەردۆغان سەرۆك كۆماری توركیا رایگەیاند: ئۆپراسیۆنەكانی توركیا بۆ لەناوبردنی پارتی كرێكارانی كوردستان (پەكەكە) یارمەتیدەر دەبێت بۆ پاراستنی یەكپارچەیی عیراق و ئاسایشی هەرێمی كوردستان.
ئەردۆغان لە وتارێكدا كە ئاژانسەكانی توركیا بڵاویانكردۆتەوە رایگەیاندوە، جەخت دەكەینەوە كە شەوێك لەناكاو دەدەین بەسەر چەكدارەكاندا ئەو چەمكە تەنها بۆ پەكەكە نیە بەڵكو بۆ هەمو رێكخراوە چەكدارییەكانە لە فەتۆ تا داعش دەگرێتەوە كە توركیا دەكەنە ئامانج.
وتیشی: لەسەر سنورەكانمان لە هەرێمی كوردستان خەریكی بەهێزكردنی ئەو رێڕەوەین كە دەستمان پێكردوەو مانگ بە مانگ بەرەو پێش دەچین، كاتێك ئەم هەنگاوانە كە بە هاوكاری لەگەڵ حكومەتی ناوەندی عیراق و هەرێمی كوردستان ئەنجام دەدەین، ئەو كاتە دەچینە قۆناغێكی نوێوە، ئۆپراسیۆنەكانی توركیا بۆ لەناوبردنی گروپە چەكدارەكان یارمەتیدەر دەبێت بۆ پاراستنی یەكپارچەیی عیراق و ئاسایشی هەرێمی كوردستان.
