واژۆ
مەحمود عەباس سەرۆكی فەلەستین لەمیانی زنجیرەیەك پەیوەندیی تەلەفۆنیدا لەگەڵ ژمارەیەك سەركردەی وڵاتانی عەرەبی داوایكرد كە پێویستە كار بكرێت بۆ وەستاندنی دەستدرێژییەكانی ئیسرائیل بۆ سەر فەلەستین.
ئاژانسی هەواڵی فەرمی فەلەستین بڵاویكردەوە، مەحمود عەباس پەیوەندییەكی تەلەفۆنی لەگەڵ جێنشینی سعودیە محەمەد بن سەلمان ئەنجامداوەو باس لە پێشهاتەكانی فەلەستین كراوەو لەوبارەیەوە مەحمود عەباس سوپاسی سعودیەی كردوە لە هەمبەر پاڵپشتیكردنی لە گەلی فەلەستین.
لای خۆیەوە محەمەد بن سەلمان دوپاتیكردوەتەوە كە سعودیە بەردەوامە لە پاڵپشتیكردنی گەلی فەلەستین و رایگەیاندوە، هەوڵی زیاتر دەدات بۆئەوەی ئارامی و سەقامگیریی بۆ فەلەستینییەكان بگەڕێتەوە.
