هاتوچۆی هەولێر كامێرای خاڵ بۆ خاڵ دەخاتەكار

واژۆ

بەڕێوەبەرایەتی هاتوچۆی پارێزگای هەولێر سیستمی كامێرای خاڵ بۆ خاڵ وەك تاقیكردنەوە دەخاتەكارو شۆفێرانی لەوبارەیەوە ئاگادار كردەوە.

لە راگەیەنراوێكدا بەڕێوەبەرایەتی پۆلیسی هاتوچۆی هەولێر بڵاویكردۆتەوە، سەرجەم هاوڵاتیان و شوفێران ئاگادار دەكەینەوە كەوا بەمەبەستی بەرزكردنەوەی ئاستی سەلامەتی لەسەر رێگاوبانەكان و پابەندكردنی شۆفێران بەڕۆیشتن بەخێرایی دیاریكراو، لە رۆژی یەكشەممە 15-10 تا كاتژمێر 12ی شەوی 21-10 سەرجەم كامێرا جێگیرەكانی چاودێری خێرایی لەسەر رێگاكانی گەزنە، مەخمور، موسڵ دەخرێنەكار وەك تاقیكردنەوە، لەدوای ئەو بەروارەوە دەستدەكەن بە تۆماركردنی سەرپێچی تیژڕەوی.
هاتوچۆی هەولێر راشیگەیاندوە، لەشەقامی 120 مەتری خێرا ئەوپەڕی خێرایی 110 كیلۆمەترە لەكاتژمێرێكدا تا هەمان بەروار كامێراكانی خاڵ بۆ خاڵ بەدرێژایی شەقامەكە بەكاردەخرێت وەك (تاقیكردنەوە) لەدوای ئەو بەروارەوە سەرپێچیەكان تۆمار دەكرێن.